Танымал актер елорданың «Нұр-сұлтан» аталуына пікір білдірем деп сынға қалды
Осы аптада барша қазақ жұрты үшін тарих беттеріне бір серпіліс, ұлт көкейіне үлкен толғаныс әкелген ең үлкен жаңалық орын алды. Ол — ҚР тұңғыш Президентінің өз лауазымын премьер-министр, Қасым-Жомарт Тоқаевқа табыстауы болатын.
«Саясатпен сен айналыспасаң, ертең саясат сенімен айналысады» десек те, шиеленіске толы бұл тақырыпты парақтау — күрделі мәселе. Бұл саланың жілігін шағып, майын ішпегендіктен қандай да бір пікір қалдыру да қиын. Дейтұрғанмен, бірнеше күн ішінде болған өзгерістерге өз ойын білдірген мәдениет өкілдері де бар. Бұл туралы «Жұлдыздар әлемі» порталы хабарлайды.
Олардың бірі — Әнуар Нұрпейісов. «Сказ о розовом зайце» туындысы арқылы қазаққа кеңінен танылған ол жаңа өзгерістерге байланысты бүкпесіз пікірін білдіріп, сын естіп те үлгерді.